आणखी ४७ कोटींच्या रस्ते कामांना मंजुरी
आमदार नमिता अक्षय मुंदडा यांच्या सातत्यपूर्ण प्रयत्नांमुळे केज विधानसभा मतदार संघातील विकासकामांसाठी कोट्यावधीच्या निधीचा ओघ सुरुच आहे. राज्य शासनाने पुन्हा एकदा आ. मुंदडा यांच्या पाठपुराव्याला प्रतिसाद देत केज मतदार संघातील ग्रामीण भागातील रस्त्यांसाठी तब्बल ४७ कोटी रुपयांचा निधी मंजूर केला आहे.
मुख्यमंत्री ग्राम सडक योजनेतुन मिळाला निधी
नेतृत्व कार्यक्षम असल्यानंतर शासनही मुक्त हस्ताने मदत करते याची प्रचीती केज मतदार संघातील नागरिकांना येत आहे. आ. नमिता मुंदडा यांनी विकास कामांसाठीच्या पाठपुराव्यात सातत्य ठेवल्याने मागील सहा महिन्यापासून मतदार संघावर निधीचा अक्षरशः वर्षाव सुरु आहे. येथील विकास कामांसाठी शासनाने शेकडो कोटींचा निधी मंजूर केला असून अनेक कामांना सुरुवात देखील झाली आहे. दरम्यान, मतदार संघातील ग्रामीण भागातील अनेक रस्त्यांची मागील काही वर्षात अतिशय दैना झाली होती. ग्रामस्थांना अगणित अडचणींचा सामना करावा लागत होता. त्यामुळे आ. नमिता मुंदडा यांनी विविध रस्त्यांसाठी शासनदरबारी सर्व पातळ्यांवर पाठपुरावा सुरु ठेवला होता. अखेर आ. मुंदडा यांच्या मागण्यांची दखल घेत राज्य शासनाने मुख्यमंत्री ग्रामसडक योजनेच्या दुसऱ्या टप्प्यात केज मतदार संघातील रस्त्यांसाठी ४७ कोटी रुपयांचा निधी उपलब्ध करून दिला आहे.
या रस्त्यांचा आहे समावेश
या निधीतून केज तालुक्यातील इजिमा-६९ ते गप्पेवाडी – १.१८ कोटी, इजिमा-६९ ते नामेवाडी – १.०४ कोटी, प्रजिमा-५९ ते केकानवाडी – ८५ लाख, राममा ५४८डी ते भाटुंबा – १.५७ कोटी, राममा-५४८डी ते पिसेगाव आडस – ७.८६ कोटी, रा.म.मा.-५४८डी ते चंदन सावरगाव जवळ ते जवळबन – ४.४३ कोटी, रा.मा.-६४ ते सावळेश्वर जवळ ते आवसगाव ते इजिमा १३३ – ५.०७ कोटी, अंबाजोगाई तालुक्यातील रा.मा.२११ ते कोळकानडी – १.५८ कोटी, इजिमा-८५ ते पवारवस्ती – १.३२ कोटी, भावठाणा ते चिचखंडी – २.३८ कोटी, चिचखंडी ते राक्षसवाडी – ३.९७ कोटी, डोंगरपिंपळा ते राजेवाडी ते राजेवाडी तांडा – २.१८ कोटी, राममा ५४८डी ते उमराई – २.४६ कोटी, रामा २११ ते वरपगाव – ३.२९ कोटी, प्रजिमा-५१ ते सोनवळा – २.४७ कोटी, बीड तालुक्यातील प्रजिमा-७४ ते नेकनूर ते नन्नवरे वस्ती – १.४९ कोटी, प्रजिमा-७४ ते माळेवस्ती (काळेवस्ती) – १.९२ कोटी, रा.म.मा.-५४८डी ते चाकरवाडी – २.२४ कोटी या रस्त्यांच्या कामांना मंजुरी मिळाली आहे. निविदा प्रक्रिया पार पडल्यानंतर लवकरच या कामांना सुरुवात होणार असून या भागातील ग्रामस्थांची रस्त्यांअभावी होणाऱ्या हालअपेष्टांमधून सुटका होणार आहे
मुख्यमंत्री उपमुख्यमंत्री यांचे आभार; आ. मुंदडा
. केज मतदार संघाच्या ग्रामीण भागातील रस्त्यांसाठी मोठ्या प्रमाणात निधी उपलब्ध करून दिल्याबद्दल मुख्यमंत्री एकनाथ शिंदे, उपमुख्यमंत्री देवेंद्र फडणवीस, ग्रामविकास मंत्री गिरीश महाजन, बीडचे पालकमंत्री अतुल सावे, भाजपच्या राष्ट्रीय सचिव पंकाजाताई मुंडे, बीडच्या खासदार प्रीतमताई मुंडे यांचे आ. नमिता मुंदडा यांनी आभार मानले आहेत.
