आ. धनंजय मुंडे यांनी केले अजित पवार, देवेंद्र फडणवीस यांचे अभिनंदन!

विधानसभा निवडणुकीत परळी विधानसभा मतदारसंघातून १ लाख ४० हजार इतक्या प्रचंड मताधिक्याने विजयी झाल्यानंतर राष्ट्रवादी काँग्रेसचे नेते आ. धनंजय मुंडे यांनी आज पक्षाचे अध्यक्ष तथा उपमुख्यमंत्री अजितदादा पवार, प्रदेशाध्यक्ष खा. सुनील तटकरे, ज्येष्ठ नेते छगन भुजबळ यांची मुंबई येथील देवगिरी निवासस्थानी भेट घेऊन अभिनंदन केले तसेच आभार व्यक्त केले.

धनंजय मुंडे यांनी आज उपमुख्यमंत्री देवेंद्र फडणवीस यांची भेट घेऊन महायुतीच्या ऐतिहासिक विजयाबद्दल देवेंद्र फडणवीस यांचा सत्कार करून अभिनंदन केले. मात्र, फडणवीस यांनी परळीसह बीड जिल्ह्यातील युतीच्या महाविजयाबद्दल ‘माझ्या घरी आलात तर माझा नियम चालणार, यार तुम्ही विरोधकांना काहीच ठेवलं नाही, ग्रेट…’ असे म्हणत आधी आ. धनंजय मुंडे यांचा सत्कार करत महायुतीच्या बीड जिल्ह्यातील परळीसह महाविजयाबद्दल अभिनंदन केले व पाठीवर कौतुकाची थाप मारली.