केज शहर व परिसरातील नाराज कार्यकर्त्यांना लावले कामाला !
केज विधानसभा मतदारसंघाच्या मतदानासाठी अवघा दहा दिवसांचा कालावधी उरला असतांनाच भाजपाच्या राष्ट्रीय सचीव पंकजा मुंडे या ऍक्शन मोडवर आल्या आहेत. केज मतदार संघातील नाराज भाजपा कार्यकर्त्यांची त्यांनी एक व्यापक बैठक घेऊन या निवडणुकीत सर्व कार्यकर्त्यांनी आपली शक्ती आ. नमिता मुंदडा यांना विधानसभेत पाठवण्यासाठी वापरावी असे आवाहन त्यांनी केले आहे.
विधानसभा निवडणुक मतदानाचा दिवस जसजसा जवळ येत चालला आहे तसतशी मतदार संघातील चुरस वाढत चालली आहे. अशा परिस्थितीत मतदार संघातील नाराज कार्यकर्त्यांना परत एका छताखाली एकत्र आणण्यासाठी मोठी कसरत करावी लागते. ही कसरत पुर्णपणे आणि चांगल्या पद्धतीने करण्यात आ. नमिता मुंदडा यांनी आपले नियोजन लावले आहे.
केज विधानसभा मतदारसंघात रमाकांत बापू मुंडे सारखे अनेक निष्ठावंत कार्यकर्ते गेली अनेक दिवसांपासून आ. नमिता मुंदडा गटांशी संपर्कात नव्हते. स्थानिक पातळीवर काही किरकोळ कारणावरून दुरावा वाढत गेला आणि टोकाचे मतभेद निर्माण झाले. या निवडणुकीत कोणत्याही परिस्थितीत आ. नमिता मुंदडा यांना सहकार्य करायचे नाही इथपर्यंत हे कार्यकर्ते पोहोचले होते.
केज विधानसभा मतदारसंघात रमाकांत बापू मुंडे सारखे अनेक निष्ठावंत कार्यकर्ते गेली अनेक दिवसांपासून आ. नमिता मुंदडा गटांशी संपर्कात नव्हते. स्थानिक पातळीवर काही किरकोळ कारणावरून दुरावा वाढत गेला आणि टोकाचे मतभेद निर्माण झाले. या निवडणुकीत कोणत्याही परिस्थितीत आ. नमिता मुंदडा यांना सहकार्य करायचे नाही इथपर्यंत हे कार्यकर्ते पोहोचले होते.
मात्र निवडणुकीपूर्वी मतदानाला काही दिवस शिल्लक असतांनाच केज शहर व ग्रामीण भागातील काही नाराज कार्यकर्त्यांना एकत्रित करून त्यांची बैठक भाजपाच्या राष्ट्रीय सचीव आ. पंकजा मुंडे यांच्या उपस्थितीत घेवून या कार्यकर्त्यांचे सर्व गा-हाने एकुण घेवून त्यांची समजूत घालून त्यांना भाजपाचे उमेदवार आ. पंकजा मुंडे यांच्या प्रचारयंत््रणेत सहभागी होऊन त्यांना प्रचंड मतांनी विजय करण्याचे आवाहन केले.
प्राप्त माहितीनुसार भाजपाचे प्रवक्ते राम कुलकर्णी यांच्या निवासस्थानी केज शहर व परिसरातील कार्यकर्त्यांची ही महत्वाची बैठक झाली असून या बैठकीत भाजपाच्या प्रमुख कार्यकर्त्यांचे म्हणणे ऐकून घेतल्यानंतर आ. पंकजा मुंडे यांनी या सर्व कार्यकर्त्यांची नाराजी दूर केल्यानंतर केज मध्ये उमेदवार मी आहे असे गृहीत धरून तन-मन-धनाने कामाला लागा अशा सूचना करताच या सर्व प्रमुख कार्यकर्त्यांनी आ. पंकजा मुंडे यांना “ताई तुम्हाला केज विधानसभा मतदारसंघातील राजकीय चित्र बदल केल्याशिवाय आम्ही तुम्हाला भेटणार नाही असे.” अभिवचन दिल्याचे समजते.
