आजपासून पुढील 75 दिवसांसाठी देशभरात ‘कोविड लस अमृत महोत्सव’;

आतापर्यंत, 18-59 वयोगटातील 77 कोटी लोकसंख्येपैकी 1 टक्‍क्‍यांहून कमी लोकांना खबरदारीचा डोस देण्यात आला आहे, अशी माहिती वृत्तसंस्था पीटीआयने दिली आहे. सर्व प्रौढांना आजपासून पुढील 75 दिवसांत विशेष मोहिमेअंतर्गत सरकारी केंद्रांवर कोरोनाव्हायरस लसीचे मोफत बूस्टर डोस मिळू शकतील, असे अधिकाऱ्यांनी बुधवारी सांगितले.

तिसऱ्या-डोस कव्हरेजमध्ये सुधारणा करण्याच्या उद्देशाने, भारताच्या स्वातंत्र्याच्या 75 व्या वर्धापन दिनानिमित्त सरकारच्या ‘आझादी का अमृत महोत्सव’ उत्सवाचा भाग म्हणून ही मोहीम आयोजित केली जाईल. आतापर्यंत, 18-59 वयोगटातील 77 कोटी लोकसंख्येच्या 1 टक्‍क्‍यांहून कमी लोकांना खबरदारीचा डोस देण्यात आला आहे. तथापि, 60 आणि त्याहून अधिक वयोगटातील अंदाजे 16 कोटी पात्र लोकसंख्येपैकी सुमारे 26 टक्के तसेच आरोग्यसेवा आणि फ्रंटलाइन कामगारांना बूस्टर डोस मिळाला आहे, अशी माहिती पीटीआयने एका अधिकाऱ्याच्या हवाल्याने दिली आहे.

दोन लसींमधील अंतर 9 महिन्यांवरुन 6 महिन्यांवर 

आरोग्य मंत्रालयां कोरोनाचा दुसरा डोस आणि बूस्टर डोस यांच्यातील अंतर 9 महिन्यांवरुन 6 महिन्यांवर आणलं आहे. जास्तीत जास्त लोकांनी बुस्टर डोस घ्यावा, या हेतूनं हे अंतर कमी करण्यात आलं आहे. यासोबतच केंद्र सरकारनं प्रत्येक व्यक्तीचं लसीकरण करण्यासाठी 1 जूनपासून ‘हर घर दस्तक’ मोहीम 2.0 सुरु केली आहे. इंडियन कौन्सिल ऑफ मेडिकल रिसर्च आणि आंतरराष्ट्रीय संशोधन संस्थांच्या अभ्यासानुसार, कोरोनाच्या पहिल्या दोन डोसचा प्रभाव फक्त 6 महिने टिकतो. यानंतर व्यक्तीच्या शरीरातील अँटीबॉडीची पातळी कमी होते. अशा परिस्थितीत बूस्टर डोस घेणं आवश्यक आहे जेणेकरून रोगप्रतिकारक शक्ती मजबूत होईल.

केंद्र सरकारची मोफत बुस्टर डोसची मोहीम केवळ 75 दिवस चालणार असल्याची माहिती समोर आली आहे. बूस्टर डोस मिळविण्यासाठी लोकांना सर्वात आधी कोविड पोर्टलवर बूस्टरसाठी बुकिंग करावं लागणार आहे. बुकिंगशिवायही लस घेता येणार आहे. तुम्ही लसीकरण केंद्रात जाऊन थेट बूस्टर डोस घेऊ शकता.

कधी घ्यावा बूस्टर डोस? 

ज्या व्यक्तींनी कोरोना प्रतिबंधक लसीचे दोन डोस पूर्ण केले आहेत आणि त्यांना दोन्ही डोस घेऊन सहा महिने किंवा त्याहून अधिक काळ लोटला असेल त्या व्यक्ती बूस्टर डोस घेऊ शकतात. त्यासाठी त्यांना जवळच्या खाजगी लसीकरण केंद्रावर बूस्टर डोससाठी नोंदणी करु शकतात. खासगी रुग्णालयात आकारलं जाणार 225 रुपये शुल्क कोरोनाचा बूस्टर डोस फक्त सरकारी हॉस्पिटलमध्येच मोफत मिळणार आहे. खासगी रुग्णालयात कोणी बूस्टर डोस घेतल्यास त्यासाठी त्यांना शुल्क भरावं लागणार आहे. खाजगी केंद्रांवर, कोविशील्ड आणि कोवॅक्सीनच्या बूस्टर डोससाठी 225 रुपये शुल्क भरावं लागणार आहे. याशिवाय रुग्णालय स्वतंत्रपणे सेवा शुल्क देखील आकारू शकते.