बीड जिल्ह्यातील पाटोदा येथे आयशर टेम्पो आणि स्विफ्ट कार यांच्या भीषण अपघातात सहा जण जागीच ठार झाल्याची प्राथमिक माहिती आहे. पोलीस घटनास्थळी दाखल झाले असून जखमींना पाटोदा रुग्णालयात हलविण्यात येत आहे.
पाटोदा शहरानजीक असलेल्या बामदळे वस्तीजवळ आयशर टेम्पो आणि स्विफ्ट कार यांचा समोरासमोर अपघात झाला. हा अपघात एवढा भीषण होता की दोन्ही वाहने चक्काचूर झाली.
जीवचिवाडी येथील रहिवासी असलेले रामराव कुटे हे सलग चार पाच दिवस सुट्या असल्याने पुणे येथे आपल्या मुलीला आणण्यासाठी गेले होते. संपूर्ण कुटुंब गाडीतून परत येत असताना हा अपघात झाला. यामध्ये कुटे कुटुंबातील दोन मुले, एक महिला, एक पुरुष आणि एका मुलीचा समावेश आहे. तर अन्य एका मुलीचा अपघातात मृत्यू झाला आहे.
