स्वच्छ सर्वेक्षण २०२३ अंतर्गत केंद्र शासनाच्या सहरी विकास विभागामार्फत सिटी फीडबॅक (नागरिकांचे अभिप्राय) हा उपक्रम दि. ०७ जुलै२०२३ ते ३१ ऑगस्ट २०२३ या कालावधीत राबविण्यात आला. या उपक्रमात अंबाजोगाई नगरपरिषदेने देश पातळीवर एक लाखापेक्षा कमी लोकसंख्या असलेल्या नगरपरिषदामध्ये ३८,७०८ सिटीझन फीडबॅक नदिन राष्ट्रीयस्तरावर प्रथम क्रमांक पटकावला आहे.
हा उपक्रम यशस्वीरीत्या पार पडण्यासाठी नागरिकांनी मोलाचे सहकार्य केल्याबद्दल नगरपरिषदेचे प्रशासक तथा मुख्याधिकारी डॉ. उत्कर्ष गुट्टे यांनी शहरातील नागरिकांचे आभार मानले आहेत. तसेच या शहरातील स्वछतेच दर्जा उंचावणे यात आश्वासित केले आहे.
सिटीझन फीडबॅक (नागरिकांचे अभिप्राय) या उपक्रमात सक्रीय सहभाग नोंदवल्या बद्दल मुख्याधिकारी डॉ. उत्कर्ष गुट्टे यांनी स्वच्छता निरीक्षक अनंत वेडे कार्यालय अधिक्षक शेख इफ्तेखार, नगर अभियंता विश्वनाथ लहाने, रमाकांत सोनकांबळे व सर्व टीमचे आभार मानले आहेत. या उपक्रमात सक्रीय सहभाग नोंदविणाऱ्या कर्मचाऱ्यांना नगरपरिषद अंबाजोगाई मार्फत प्रोत्साहनपर बक्षीस वितरण ही करण्यात येणार आहे.
अंबाजोगाई नगर परिषदेला मिळालेल्या या यशाबद्दल मुख्याधिकारी डॉ उत्कर्ष गुट्टे, स्वच्छता निरीक्षक अनंत वेडे, रमाकांत सोनकांबळे व स्वच्छता विभागातील सर्व कर्मचाऱ्यांचे अनेकांनी अभिनंदन केले आहे.
