किसानपुत्र आंदोलनच्या वतीने १९ मार्च रोजी करण्यात येणाऱ्या अन्नत्याग आंदोलना निमित्ताने आयोजित करण्यात आलेल्या विविध उपक्रमात प्रख्यात एबीपी माझा चे जिल्हा प्रतिनिधी तथा प्रख्यात पत्रकार गोविंद शेळके यांच्या व्याख्यानाचे आयोजन करण्यात आले असून या सोबतच शेतकरी सद्भावना रॅली, आत्महत्याग्रस्त ५०० शेतकरी बहिणींचा सन्मान व शेतकरी सद्भावना पुरस्काराचे वितरण अशा विविध उपक्रमांचे आयोजन करण्यात आले असून या सर्व उपक्रमास नागरीकांनी मोठ्या संख्येने उपस्थित राहावे असे आवाहन संयोजकांनी केले आहे.
“शेतकरी आत्महत्या कारणं आणि मिमांसा” या विषयावर व्याख्यान
किसानपुत्र आंदोलनच्या वतीने अंबाजोगाई येथे १९ मार्च रोजी अन्नत्याग आंदोलना निमित्ताने गेली आठ वर्षांपासून विविध उपक्रम आयोजित करण्यात येतात.
यावर्षी अन्नत्याग आंदोलन निमित्ताने शेतकरी सद्भावना रॅली, शेतकरी सद्भावना पुरस्कार, आत्महत्याग्रस्त ५०० बहिणींचा सन्मान, “शेतकरी आत्महत्या कारणं आणि मिमांसा ” या विषयावर एबीपी माझा चे जिल्हा प्रतिनिधी प्रख्यात पत्रकार गोविंद शेळके यांचे व्याख्यान अशा विविध उपक्रमांचे आयोजन करण्यात आले आहे.
शेतकरी संघटना करणार आत्महत्याग्रस्त शेतकरी ५०० बहिणींचा सन्मान
या संदर्भात अधिक माहिती देतांना संयोजक सुदर्शन रापतवार यांनी १९ मार्च रोजी आयोजित करण्यात आलेल्या विविध उपक्रमांची माहिती दिली. यामध्ये १९ मार्च रोजी सकाळी नगर परिषदेच्या आद्य कवी मुकुंदराज सांस्कृतिक सभागृहासमोरीर चिंचेच्या झाडाखाली सामुहिक उपवासास सुरुवात करण्यात येणार असून दुपारी १ वाजता छत्रपती शिवाजी महाराज चौकातून आत्महत्याग्रस्त शेतकरी बहिणींसह किसान पुत्रांची सहवेदना रॅलीचे आयोजन करण्यात आले आहे.
शेतकरी सहवेदना पुरस्काराचे वितरण
दुपारी तीन वाजता आद्य कवी मुकुंदराज सांस्कृतिक सभागृहात आयोजित करण्यात आलेल्या मुख्य कार्यक्रमात आत्महत्याग्रस्त शेतकऱ्यांच्या कुटुंबियांना आधार देण्यासाठी गेली अनेक वर्षे सातत्याने काम करणाऱ्या ऍड. संतोष पवार यांचा “शेतकरी सहवेदना पुरस्कार” देवून सन्मान, शेतकरी संघटनेचे नेते कालिदास आपेट यांच्या पुढाकाराने ५०० आत्महत्याग्रस्त शेतकरी बहिणींचा साडीचोळी देऊन सन्मान आणि “शेतकरी आत्महत्या कारणे आणि मिमांसा” या विषयावरील एबीपी माझा चे जिल्हा प्रतिनिधी प्रख्यात पत्रकार गोविंद शेळके यांचे व्याख्यान आणि सामुहिक उपवास सोडण्याचा कार्यक्रम अशा विविध उपक्रमांचे आयोजन करण्यात आले असल्याचे सांगितले.
लोकसहभागातून घेणार उपक्रम
१९ मार्च रोजी आयोजित करण्यात आलेले हे सर्व उपक्रम लोकसहभागातून घेण्यात येणार आहेत. हे सर्व उपक्रम यशस्वी करण्यासाठी गेली अनेक दिवसांपासून किसान पुत्र आंदोलनाचे नेते अमर हबीब, शेतकरी संघटनेचे कालिदास आपेट, प्रा. शांतिनाथ बनसोडे, मुजीब काजी, अनिरुद्ध चौसाळकर, अच्चूत गंगणे, मदन परदेशी, संतोष बोबडे महावीर भगरे, व्यंकटेश जोशी, वसंत मोरे, इस्माईल शेख, लखन होके, कल्याणराव भगत, रेखा देशमुख, किरण देशमुख, अनिता कांबळे, प्रतिभा अवचर, दत्तात्रय अंबेकर, ऍड. माणिकराव बावणे व इतर अनेक जण प्रयत्नरत आहेत.
संयोजकांनी केले आवाहन
या उपक्रमात जास्तीत जास्त नागरिकांनी उत्स्फूर्तपणे आपला आर्थिक सहभाग नोंदवावा व या सर्व उपक्रमास उपस्थित राहुन सहकार्य करावे असे आवाहन संयोजक सुदर्शन रापतवार, कालिदास आपेट आणि ऍड. संतोष पवार यांनी केले आहे.
महाराष्ट्रातील प्रगल्भ पत्रकार मराठवाड्यातील पत्रकारितेला एक नवा आयाम देण्याचा त्यांचा यशस्वी प्रयत्न असतो. गावातील पत्रकारिता जिल्ह्यात, राज्य आणि देश पातळीवर नेण्यात त्यांचे मोठे योगदान आहे.
