26 जानेवारी प्रजासत्ताक दिनाच्या निमित्ताने राष्ट्रध्वजाचा सन्मान राखा हा उपक्रम राबविण्या विषयी अंबाजोगाई येथील हिंदू जनजागृती समितीच्या वतीने पोलिस निरीक्षक आणि गटशिक्षणाधिकारी यांना निवेदन देण्यात आले आहे.
या निवेदनात म्हटले आहे की , राष्ट्रध्वज म्हणजे राष्ट्राची अस्मिता असून ते मोठया अभिमानाने मिरवले जातात,मात्र हेच राष्ट्रध्वज त्याच दिवशी रस्त्यावर, कचरा पेटीत, आणि गटारात फाटलेल्या अवस्थेत आढळतात. त्याची विटंबना रोखण्यासाठी हिंदु जनजागृती समितीने मुंबई उच्च न्यायालयात जनहित याचिका(क्र.103/2011) दाखल केली होती. तिची सुनावणी करताना न्यायालयाने प्लास्टिक च्या राष्ट्रध्वजाद्वारे होणारा अवमान रोखण्यासाठी शासनाला आदेश दिले.
त्यानुसार केंद्र आणि राज्यातील ग्रह आणि शिक्षण विभाग यांनी याविषयीचे परिपत्रक काढले आहे. केंद्र शासनाने प्लास्टिक बंदी चा निर्णय घेतल्याने त्यानुसारही प्लास्टिकच्या राष्ट्रध्वजाची विक्री करणे हे कायदा विरोधी आहे असे निवेदनात म्हटले आहे. सदरील विषयक निवेदन अंबेजोगाई शहर पोलीस ठाणे, येथे
पोलिस निरीक्षक यांच्या वतीने पोलीस उपनिरीक्षक श्रीमती मनीषा गिरी यांनी तर शिक्षण विभाग अंबेजोगाई येथे गटशिक्षणाधिकारी शेख सी. आर. यांनी निवेदन स्वीकारले. यावेळो सौ सुनीता पंचाक्षरी, योगिता केंद्रे,,मेघा वटमवार ,श्री बालाजी भराजकर, संदीप किर्डे, सुधाकर जाधव,आदी अनेक राष्ट्रप्रेमी युवक उपस्थित होते
