अंबाजोगाई शहरातील -हदयद्रावक घटना अंबाजोगाई बस स्थानकासमोर रस्त्यावरुन पायी चालणा-या वृध्द इसमाच्या दोन्ही पायांवरुन शिवशाही बस गेल्याने सदरील इसमाचा दोन्ही पाय निकामी झाल्याची घटना आज दुपारी घडली. प्राप्त माहिती नुसार, अंबाजोगाई शहरात बस स्थानकासमोरील मुख्य रस्त्या सहा पदरी करणाचे काम सध्या वेगात सुरु आहे. त्यातच रुंद झालेला बसस्थानका समोरील या रस्त्यावर फळ विक्री करणारे हात गाड्यांनी, ऍटो चालकांनी हा रस्ता अर्धाधिक व्यापून टाकला असल्याने वाहतुकीला मोठ्या प्रमाणावर अडथळा निर्माण होत आहे. बस स्थानकात जाणाऱ्या आणि बस स्थानकातुन बाहेर निघणा-या गाड्यांच्या ड्रायव्हरना मोठी कसरत करावी लागत आहे.
त्यातच आज २० नोव्हेंबर रोजी दुपारी एकच्या सुमारास लातूर – परळी शिवशाही बस क्रमांक (MH 09 EM9971) अंबाजोगाई बस स्थानकात जात असताना अपघात अचानक या रस्त्यावरुन पायी चालणा-या वृध्द इसमाच्या दोन्ही पायांवरुन ही बस गेली. सदरील बसची चाके वृद्ध इसमाच्या पायांवरुन गेली असल्यामुळे या अपघातात सदरील इसमाचे दोन्ही पाय चिरडल्या गेल्याची घटना घडली.
लागलीच घटनास्थळी नागरिकांनी धाव घेत सदरील वृध्दाला अंबाजोगाई शहरातील स्वामी रामानंद तीर्थ ग्रामीण शासकीय रुग्णालयात उपचारासाठी हलवण्यात आले असून वृद्धाचे नाव अद्याप समजलेले नाही. दरम्यान सार्वजनिक बांधकाम विभागाकडून रस्त्याचे काम करण्यासाठी एका बाजूने रस्ता उखडून टाकला आहे. तर फळ विक्री करणारांचे हातगाडे आणि स्थानिक प्रवासी वाहतूक करणारे ऍटो रस्त्यावर उभे असल्याने याचा त्रास वाहनधारकांना व पदचा-यांना करावा लागत आहे. या गंभीर बाबी कडे पोलीस, सार्वजनिक बांधकाम विभाग व महसूल प्रशासनाने लक्ष देण्याची मागणी वाहनधारकांनी केली आहे.
महाराष्ट्रातील प्रगल्भ पत्रकार मराठवाड्यातील पत्रकारितेला एक नवा आयाम देण्याचा त्यांचा यशस्वी प्रयत्न असतो. गावातील पत्रकारिता जिल्ह्यात, राज्य आणि देश पातळीवर नेण्यात त्यांचे मोठे योगदान आहे.
