पैसे वाटल्याचा व्हिडिओ व्हायरल
भारतीय जनता पक्षाचे राष्ट्रीय सरचिटणीस विनोद तावडे यांना विरार मतदार संघात मतदारांना पैसे वाटल्याचा आरोप विरार मतदार संघातील बहुजन विकास आघाडीचे उमेदवार हितेश ठाकूर यांनी केला आहे.
विधानसभा सभा निवडणुकीसाठी उद्दा मतदान होणार असतांनाच आज सकाळी विरार मतदार संघात भारतीय जनता पक्षाचे राष्ट्रीय सरचिटणीस विनोद तावडे यांनी पैसे वाटल्याचा आरोप याच मतदार संघातील बहुजन विकास आघाडीचे उमेदवार हितेश ठाकूर यांनी केला आहे.
भारतीय जनता पक्षाचे राष्ट्रीय सरचिटणीस विनोद तावडे हे आज सकाळी विरार मतदार संघातील विरार पूर्व भागातील हॉटेल विवांता मध्ये भाजपाचे उमेदवार राजन नाईक यांना भेटण्यासाठी गेले होते. यावेळी भाजपा कार्यकर्त्यांना पैसे वाटप करतांना आढळून आल्याचा आरोप बहुजन विकास आघाडीचे उमेदवार हितेश ठाकूर यांनी केला. सदरील पैसे वाटप चालू असताना बहुजन विकास आघाडीचे कार्यकर्ते या हॉटेलमध्ये गेले आणि त्यांनी पैसे वाटप करीत असल्याचा व्हिडिओ व्हायरल केला व या प्रकरणी पोलिसांकडे तक्रार ही केली.
यावेळी विनोद तावडे यांच्या जवळ असलेली डायरी ही कार्यकर्त्यांनी हस्तगत केली असून या डायरीमध्ये १५ कोटी रुपये वाटप केले असल्याच्या नोंदी असल्याचे बहुजन विकास आघाडीचे नेते हितेंद्र ठाकूर यांनी सांगितले.
विनोद तावडे यांनी २५ फोन केले
या प्रकरणानंतर भाजपाचे सरचिटणीस विनोद तावडे यांनी आपल्याला या प्रकरणात २५ फोन केले असल्याचे हितेंद्र ठाकूर यांनी सांगितले.
निवडणुक आयोगाकडे केली तक्रार
या प्रकरणी बहुजन विकास आघाडीच्या कार्यकर्त्यांनी निवडणूक आयोगाकडे भारतीय जनता पक्षाचे राष्ट्रीय सरचिटणीस विनोद तावडे हे पैसे वाटप करीत असल्याची तक्रार केली असल्याचे समजते. सदरील तक्रारी नंतर निवडणूक आयोगाने विनोद तावडे यांच्या गाडीची तपासणी केली मात्र गाडीत काहीही सापडले नसल्याची माहिती देण्यात आली आहे.
विवांता मध्ये कार्यकर्ते व पोलिसांची गर्दी
दरम्यान ही घटना घडल्यानंतर विवांत हॉटेल मध्ये बहुजन विकास आघाडीच्या कार्यकर्त्यांनी मोठी गर्दी केली असून या ठिकाणी कसल्याही प्रकारचा अनुचित प्रकार घडू नये म्हणून पोलिसांनी मोठा बंदोबस्त तैनात केला आहे.
विनोद तावडे विवांता मध्येच
या घटनेनंतर भारतीय जनता पक्षाचे सरचिटणीस विनोद तावडे हे हॉटेल विवांता मध्येच असल्याची माहिती सूत्रांनी दिली आहे. विनोद तावडे यांना बहुजन विकास आघाडीच्या कार्यकर्त्यांनी तेरावा घेतला होता. हॉटेल विवांता मध्ये कसलाही अनुचित प्रकार घडू नये म्हणून पोलिसांचा बंदोबस्त वाढविण्यात आला आहे.
विनोद तावडे यांना अडचणी वाढल्या
भारतीय जनता पक्षाचे राष्ट्रीय सरचिटणीस विनोद तावडे यांनी महाराष्ट्राच्या राजकारणात तत्कालीन नेते गोपीनाथ मुंडे यांच्या नेतृत्वाखाली भाजपा मध्ये काम करण्यास सुरुवात केली होती. एक सामान्य कार्यकर्ता ते आमदार, मंत्री आणि आता राष्ट्रीय सरचिटणीस पदापर्यंत पोहोचलेले विनोद तावडे हे भाजपा मधील शांत आणि धुर्त राजकारणी म्हणून ओळखले जातात. एक स्वच्छ राजकारणी म्हणून त्यांनी आपली राजकीय प्रतिमा निर्माण केली होती. मात्र आज सकाळी हॉटेल विवांता येथे पैसे वाटप करतांनाचा आरोप झाल्यानंतर विनोद तावडे हे अडचणीत आले आहेत.
भाजपा नेच पुरवली माहिती; हितेंद्र ठाकूर
दरम्यान भाजपाचे राष्ट्रीय सरचिटणीस विनोद तावडे हे ५ कोटी रुपये घेऊन हॉटेल विवांता मध्ये येणार असल्याची माहिती आपल्याला भाजपानेच पुरवली असल्याचे हितेंद्र ठाकूर यांनी सांगितले. या माहितीवरुन आपण हॉटेल विवांता मध्ये आलो असता विनोद तावडे हे पैसे वाटप करीत असल्याचे समजले. यावेळी विनोद तावडे यांची डायरी हस्तगत करण्यात आली असून यामध्ये कोणाला किती पैसे दिले यांच्या नोंदी असल्याची माहिती हितेंद्र ठाकूर यांनी दिली.
आता कारवाई कडे लक्ष?
भारतीय जनता पक्षात राष्ट्रीय सरचिटणीस म्हणून काम करणाऱ्या विनोद तावडे यांच्या कडे महाराष्ट्रात सुरू असलेल्या मराठा आरक्षणाच्या पार्श्वभूमीवर या सर्व परिस्थितीचा सामना करण्यासाठी भावी मुख्यमंत्री म्हणून ही पाहिल्या जात होते. आता पैसे वाटपाचा आरोप झालेल्या विनोद तावडे यांची राजकीय कारकीर्दीवर आता प्रश्नचिन्ह निर्माण होण्याची शक्यता निर्माण झाली आहे. दरम्यान पोलिस आणि निवडणूक आयोग या प्रकरणी काय कारवाई करणार याकडे महाराष्ट्राचे लक्ष लागून राहिले आहे.
निश्पक्ष चौकशी करा; विनोद तावडे
दरम्यान भारतीय जनता पक्षाचे राष्ट्रीय सरचिटणीस विनोद तावडे यांनी आपण हॉटेल विवांता मध्ये निवडणुकीच्या संदर्भात कार्यकर्त्यांना मतदान करुन घेण्यासाठी सुचेना करण्यासाठी आलो होतो, पैसे वाटपाचा आपला काही संबंध नाही, आपल्याला काही माहिती नाही, हॉटेल मध्ये सिसीटिव्ही कॅमेरे आहेत, पोलीस निवडणूक आयोगाने निश्पक्ष चौकशी करावी असे विनोद तावडे यांनी माध्यमांशी बोलताना सांगितले.
