भारतीय जनता पक्षाचे महासचीव यांच्या वतीने आज जाहीर करण्यात आलेल्या ९९ विधानसभा मतदारसंघातील उमेदवारांच्या यादीत केज विधानसभा मतदारसंघातुन विद्यमान आ. नमिता मुंदडा यांच्या नावाची अधिकृत घोषणा करण्यात आली.
केज विधानसभा मतदारसंघ हा अनुसूचित जाती प्रवर्गातील उमेदवारांसाठी राखीव आहे. २०१९मध्ये झालेल्या विधानसभा निवडणुकीत आ. नमिता मुंदडा यांनी भाजपाचे अनधिकृत उमेदवार म्हणून उमेदवारी मिळवली व विजय संपादन केला. २०१९ ते २००४ अशी पाच वर्षे त्यांनी केज विधानसभेचे प्रतिनिधीत्व केले.
आपल्या आमदारकीच्या कार्यकाळातील पहिल्या अधिवेशनात आपल्या लहान मुलीला घेऊन जाणा-या पहिल्या आमदार म्हणून त्या संपुर्ण महाराष्ट्रात सर्वपरिचित झाल्या होत्या. अधिवेशन कार्यकाळात मतदार संघाच्या विकासासाठी त्यांनी मांडलेल्या सर्व प्रश्नांची राज्यशासनाने दखल घेतली होती.
आपल्या आमदारकीच्या कार्यकाळात विशेषतः मुख्यमंत्री एकनाथ शिंदे यांच्या काळात त्यांनी केज विधानसभा मतदारसंघात अनेक विकास कामांसाठी कोट्यावधी रुपयांचा निधी आणला. केज विधानसभा मतदारसंघाच्या इतिहासात आजपर्यंत झालेल्या लोकप्रतिनिधी पैकी पाच वर्षांत सर्वात जास्त निधी आणणा-या आमदार म्हणून त्यांची नोंद झाली आहे.
२० नोव्हेंबर रोजी होणाऱ्या विधानसभा निवडणुकीसाठी भारतीय जनता पक्षाच्या वतीने जाहीर करण्यात आलेल्या ९९ उमेदवारांच्या पहिल्या यादीत आ. नमिता मुंदडा यांचा समावेश करण्यात आल्यामुळे त्यांच्या समर्थकांत आनंदोत्सव साजरा करण्यात आला आहे.
