अंबाजोगाई येथील स्वामी रामानंद तीर्थ वैद्यकीय महाविद्यालयाचे अधिष्ठाता डॉ. भास्कर खैरे यांना इंडियन सोसायटी ऑफ कॉर्निया ऍण्ड केरॅटोरिफरॅक्टिव्ह (ISCKRS) सर्जन यांच्या तर्फे जाहीर करण्यात आलेला “आऊटस्टॅंडिंग टिचर अवार्ड” हा पुरस्कार गोवा येथे मुख्यमंत्री प्रमोद सावंत यांच्या हस्ते प्रदान करुन सन्मानित करण्यात आले आहे.
इंडियन सोसायटी ऑफ कॉर्निया ऍण्ड केरॅटोरिफरॅक्टिव्ह सर्जन ही संस्था देशातील वैद्यकीय शिक्षण क्षेत्रातील एक मान्यवर संस्था असुन वैद्यकीय शिक्षण क्षेत्रात उत्कृष्ट काम करणाऱ्या टिचर्स चार शोध घेवून त्यांना हा “आऊटस्टॅंडिंग टिचर अवार्ड” पुरस्कार देवून सन्मान करीत असते.
यावर्षीचा हा पुरस्कार येथील स्वामी रामानंद तीर्थ वैद्यकीय महाविद्यालयाचे अधिष्ठाता डॉ. भास्कर खैरे यांना जाहीर झाला असून २८ जानेवारी रोजी गोवा येथील हॉटेल मेरक्युअर येथे आयोजित करण्यात आलेल्या एका विशेष कार्यक्रमात गोव्याचे मुख्यमंत्री मा. श्री. प्रमोद सावंत यांच्या हस्ते व अखील भारतीय नेत्र तज्ञ संघटनेचे अध्यक्ष सतीश डॉ. अनिता शर्मा, डॉ. शेट्टी, डॉ. अमरीश दरक इतर प्रमुख मान्यवरांच्या प्रमुख उपस्थितीत प्रदान करण्यात आला आहे.
सदरील आऊटस्टॅंडिंग टिचर अवार्ड मिळाल्याबद्दल अधिष्ठाता डॉ. भास्कर खैरे यांचा वैद्यकीय महाविद्यालयाच्या मेडिसीन विभागाचे प्रमुख डॉ. सिध्देश्वर बिराजदार, प्रा. मेजर शांतीलाल बनसोडे, प्रा. पंडीत कराड, चंद्रशेखर वडमारे, डॉ. राकेश जाधव, डॉ. विनोद वेदपाठक , ज्येष्ठ पत्रकार सुदर्शन रापतवार आणि इतर मान्यवरांनी त्यांची भेट घेऊन अभिनंदन केले आहे.
