अंबाजोगाई येथील खोलेश्वर विद्यालयाचे मुख्याध्यापक वखरे यांचा मुलगा डॉ. वैभव राजू वखरे याने सोलापूर येथील शासकीय वैद्यकीय महाविद्यालयाच्या वसतिगृहात आत्महत्या केली आहे. सदरील घटनेमुळे वारे कुटुंबियांवर शोककळा पसरली आहे.
सोलापूर येथे सुरू होते पदव्युत्तर शिक्षण
या बाबत अधिक समजलेली माहिती अशी की, अंबाजोगाई येथील विवेकानंद नगर परीसरात राहणारे व खोलेश्वर महाविद्यालयाचे सेवानिवृत्त मुख्याध्यापक वखरे यांचा मुलगा डॉ. गौरव वखरे हा सोलापूर येथील डॉ. वंशपायन शासकीय वैद्यकीय महाविद्यालयात ऍनास्थेशिया विषयात यावर्षी प्रथम वर्षात पदव्युत्तर शिक्षण घेत होता. वैद्यकीय महाविद्यालयाच्या पदव्युत्तर विद्यार्थ्यांच्या वसतिगृहातच तो रहात होता. आज दुपारी एकच्या सुमारास त्याने आत्महत्या केल्याचे उघडकीस आले. आणि वैद्यकीय महाविद्यालयाच्या परिसरात एकच खळबळ उडाली.
डॉ. गौरव वखरे यांच्या आत्महत्येची माहिती मिळताच तेथील अधिष्ठाता डॉ. सुधीर देशमुख यांनी रीतसर सोलापूर शहर पोलिस स्टेशन ला कल्पना दिली. पोलीसांनी घटना स्थळांचा पंचनामा करुन शवविच्छेदनाची कार्यवाही सुरु केली आहे. पुर्ण तपास झाल्याशिवाय डॉ. गौरव वखरे यांच्या आत्महत्येबध्दल काहीही सांगण्यास तपासी पोलीस अधिकाऱ्यांनी नकार दिला आहे.
वखरे कुटुंबियांवर कोसळला दुःखाचा डोंगर
डॉ. गौरव वखरे याचे वडील हे खोलेश्वर विद्यालयातुन दोन वर्षापुर्वीच मुख्याध्यापक पदावरुन सेवानिवृत्त झाले होते. अतिशय शिस्तबद्ध व शांत प्रवृत्तीने आयुष्य जगणाऱ्या वखरे कुटुंबियावर डॉ. वैभव यांच्या आत्महत्येमुळे दुःखाचा डोंगर कोसळला आहे.
